2012-05-25

【經濟通2012-05-25】《笑傲缸湖》股神巴菲特:「免費新聞不可能持續」

25/05/2012 15:54

《笑傲缸湖》股神巴菲特:「免費新聞不可能持續」

  《笑傲缸湖》股神巴菲特最近又有新搞作,佢用咗1﹒42億美金收購一間媒體公司,而呢
間公司旗下就有63份地區報章。呢單刁雖然只係「區區」(對股神嚟講先係區區)嘅億幾美金
,但都引起唔少海外缸湖人嘅目光,事關傳媒喺美國一直都被視為係夕陽工業。
  點解巴菲特會出手係一個大謎團,而剛剛佢就自己解開呢個謎。巴菲特喺《巴郡日報》到撰
文,話免費嘅新聞將唔會係一個持續嘅營運模式,而佢旗下嘅報紙亦喺度演變緊去到較為合理嘅
情況。佢仲話,希望數碼同埋印刷內容將會同時吸引到讀者同埋公司最需要嘅營業收益,而相關
收購係陸續有來。
  不過各位股神粉絲唔好以為股神買報紙就一窩蜂去買報紙股,事關股神話佢只係會揀個別好
有社區關係較強嘅地區報紙。雖然佢無講明,不過盈盈估計可能係呢啲城市嘅人同人之間關係較
強,對社區嘅資訊亦比較關心,較為願意畀錢去買資訊有關。《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

沒有留言: