【星島日報2012-01-20】股神捐38萬助減赤 不足一分鐘利潤

股神捐38萬助減赤 不足一分鐘利潤
[2012-01-20] Share

華爾街大名鼎鼎嘅股神巴菲特將會寄一張面額4.9萬美元（38萬港元）嘅支票，畀美國財政部，幫助國家減少債務。大家冇睇錯，係4.9萬美元，點解咁少？
巴郡舊年第3季賺178億港元計，假設股神工作90日，每日8個鐘計，巴郡每個鐘賺2464萬港元啦！畀美國財政部呢筆錢少過巴郡每小時利潤嘅2%，比巴郡平均每分鐘賺嘅41萬仲要少。


向共和黨議員下戰書


張支票咁少錢又點可以幫手滅赤，事件要由他向國會共和黨議員下嘅「捐款減債」戰書講起。股神上星期接受《時代周刊》訪問期間下戰書，承諾同所有國會共和黨議員進行嘅自願捐款展開競爭，對於共和黨參院領袖麥康奈爾嘅捐款，佢話會捐3倍咁多。因為康奈爾同其他人批評巴菲特呼籲應該提高針對有錢人嘅徵稅，又曾經暗示，如果巴菲特嫌自己被徵稅不夠多，大可以直接「寄支票」畀財政部。
結果上個禮拜就有國會議員雷吉爾出陣，去信巴菲特「感激」佢嘅慷慨之舉，話自己會將15%嘅國會俸祿捐出，舊年係2.31萬美元，今年係2.61萬美元，而巴菲特當然要同樣捐4.9萬美元嚟「接招」啦。